唱响广州歌词
长堤1973
演唱：东山少爷
作曲/作词/编曲：黄毅成
吉他：邓华清 saxophone：于振海
合成：飞机
时间，转到1973，
个年八妹已十八，阿昆也十八，
家住西关。
潮涨，水满荔枝湾，
撑艇仔四围逛，也开心无间，
相处简单。
未会想一天分隔，此刻凝望往事。
转眼几个十年，多得你还坐身边。
情浓在广州长堤二十号，
那天的斜阳伴薄雾，
有昆哥同行六十步，
WOW，佢心祷告。
十三行人潮内漫步，
佢海珠桥前静静道，
I love u,
in my mind，
but I won't tell u.
月光光，照羊城
演唱：东山少爷
作曲/作词/编曲：黄毅成
rap：番鬼仔黄毅成
粤剧数白榄：方艳兵
合成：飞机
click click clark着屐去街睇戏，
风吹起几多空置蝉蜕，
青石板路街里叔伯提佢，
天阴阴阿婶收衫归去。
远远眺望见珠江水里，
有只艇在那高声叫卖，
一息间满天千色风云转几岁。
那只艇载着艇仔粥去，
鸡公榄已经消散梦里，
街上叫卖都已不再纯粹。
笑笑我未见乡音改去。
远远我望见街中深处，
有个细路佢听紧往事，
可否将那首不朽歌儿唱多次。
月光光，照地堂。
虾仔你乖乖瞓落床。
听朝阿妈要捕鱼虾啰，
阿嫲织网就到天光。
（白榄（女）：我个心又惊，我个心又慌。）
那只艇载着艇仔粥去，
鸡公榄已经消散梦里，
街上叫卖都已不再纯粹。
笑笑我未见乡音改去。
远远我望见街中深处，
有个细路佢听紧往事，
可否将那首不朽歌儿唱多次。
月光光，照地堂。
虾仔你乖乖瞓落床。
听朝阿妈要捕鱼虾啰，
阿嫲织网就到天光。
（白榄（女）：我个心又惊，我个心又慌，何幸今宵会我郎。（男）：问娇何曾复安康，复安康？Yeah！Come on！我个心又惊，我个心又慌，何幸今日就会我郎，会我郎。问娇何曾复安康，yeah！复安康？Come on！baby！Yeah！）
（白榄（男）：氹氹转，菊花园，炒米饼，糯米团，阿妈叫我睇龙船。我唔睇，睇鸡仔。鸡仔大，拎去卖。落雨大水浸街，阿哥担柴上街卖。）
月光光，照地堂。
虾仔你乖乖瞓落床。
听朝阿妈要捕鱼虾啰，
阿嫲织网就到天光。
百花冢
演唱：东山少爷
作曲/编曲：肥蛇作词：黄毅成
吉他：邓华清二胡：彭宜朗诵：思诺
合成：飞机
香草芬芳细柳汲烟雨，
吞声话别再也难留住。
未嫁书生先去，妾襟沾眼泪，
从来自古美丽叹留怨诗几句。
西风吹熄了祭烛几对，
卿卿渐渐淡淡成明月。
又见百花冢处，鲜花笑婵娟，
从来情深有憾到头铭碑一处。
恨寸寸，梦远远，艳压百花终会倦，
乔阳二君也许生轮回续愿。
情寸寸，魂远远，
未怕此生终弃乱（绝了此生终眷恋），
羊城夜深处汝人孤枕缱绻。
独白：
吞生死别如何别，绝命迷离赋恨诗。
题落妾襟和泪剪，终天遗此与君随。
东方失乐园(收录于《唱好广州》第五首歌曲)
演唱:东山少爷
作曲/作词/编曲:黄毅成
合成：飞机
童年岁岁秒秒天天，
无邪笑脸过每天，
羊城北边有个乐园。
摩天轮转得高，
过山车呼啸而过，
天真少年，何谓虚假？
何时那里再冇喧哗，
围墙里遍布小花，
墙头长起小小青草。
摩天轮拆支架，
过山车将永远停泊。
当初旅程，成为经典。
东方失乐园，忆起多温暖。
等数十岁后子孙满堂，仍会否眷恋？
东方失乐园，卷走是岁月。
只恐怕哪年要消磨，难记起所有。
(独白：记得细个嗰阵时，一到放假，爸爸妈妈就会带我去东方乐园玩，去大金钟水库睇飞机。而到咗宜家，童年时嘅嗰片乐土，竟然成为左一片废墟，只可以叹一句，岁月无声。)
广州好
演唱:东山少爷黄毅成陈辉权
作曲/作词:黄毅成
编曲:陈辉权合成:飞机
喂，嚟喇！你呀！）
广州好，有好多好嘢食佢合味道。
艇仔粥虾饺夹埋叉烧酥，斋面姜葱捞一捞。
广州好，有好多好嘢卖佢又地道。
冇钱都可以去逛沙面岛，古树遮阴乐散步。（喂，一齐嚟！嘿！嘿！）
蒸松糕，猪骨煲，香滑杏仁露。
鸡骨草，煲一煲，清热去湿好。
讲古佬，讲新稿，今日电台做。
听不到，走咗宝，听日要趁早。
好好好，去龟岗海印闹市漫漫步。
海珠区古朴里藏天光墟，
欢乐五仙带来穗。
（阿哥，一齐嚟！）
广州好，有好多好嘢食佢合味道。（炒田螺）
艇仔粥虾饺夹埋叉烧酥（和味南乳肉），斋面姜葱捞一捞。
广州好，有好多好嘢卖佢又地道。（喂，十文三只呀，唔买都过嚟睇吓喇喂！）
冇钱都可以去逛沙面岛，古树遮阴乐散步。
蒸松糕，猪骨煲，香滑杏仁露。
鸡骨草，煲一煲，清热去湿好。
讲古佬，讲新稿，今日电台做。
听不到，走咗宝，听日要趁早。
好好好，去龟岗海印闹市漫漫步。
海珠区古朴里藏天光墟，
欢乐五仙带来穗。
（原文再续书接上一回，上次讲到嗰个猪八戒呢就唔够白骨精打，就去花果山嚟揾返孙悟空。）
（一齐嚟！）
广州好，有好多好嘢食佢合味道。
艇仔粥虾饺夹埋叉烧酥，斋面姜葱捞一捞。（煲一煲）
广州好，有好多好嘢卖佢又地道。
冇钱都可以去逛沙面岛，古树遮阴乐散步。
蒸松糕，猪骨煲，香滑杏仁露。
鸡骨草，煲一煲，清热去湿好。
讲古佬，讲新稿，今日电台做。
听不到，走咗宝，听日要趁早。
好好好，去龟岗海印闹市漫漫步。
海珠区古朴里藏天光墟，
欢乐五仙带来穗。
（欲知后事如何，且听下回分解呀。）
落雨大
演唱:东山少爷黄毅成
作词/作曲/编曲:黄毅成
角色扮演:黄毅成
合成:飞机
落雨大，水浸街，阿哥担柴上街卖。
阿嫂出街着花鞋，花鞋花袜花腰带。
（RAP：细细个我就识唱呢首歌，嗰时成班朋友仔，排排坐，食果果。
人之初，问谁无过，做错事有父母原谅我，偷偷拍吓拖。
大个咗，出嚟做嘢成熟咗，发现揾食艰难啰，冇钱咯喎，乜都祸。
收工揾咗阿成出嚟唱吓歌，我老细啲衰嘢，你有冇听过？）
老细：阿边个边个，咁少嘢都做错，搞到公司损失咗。
一于调你去洗厕所，一系你畀份report我，今个月嘅奖金，冇得攞。
阿成（笑住讲）：嗨，噉你咪去洗厕所啰！
我：喂，你唔系呀话，你系咪兄弟呀？噉都笑我。
阿成：唉，咪讲埋啲衰嘢喇！嚟喇，饮杯饮杯，饮胜！喂，我哋只歌喎！喂，阿成佢有冇点唱呀？
落雨大，水浸街，阿哥担柴上街卖。
阿嫂出街着花鞋，花鞋花袜花腰带。
落雨大，广州水浸街，各位兄台已长大。
要知揾银最艰难，双眼通红声沙晒。
（RAP：细细个我就识唱呢首歌，嗰时成班朋友仔，排排坐，食果果。
人之初，问谁无过，做错事有父母原谅我，偷偷拍吓拖。）
阿成：喂，讲到拍拖，你大学嗰时候嘅女朋友点啊？
我：哦，冇啰，嫁咗个有钱佬喎，上次同学聚会重见过佢，晒命噉晒。
旧女友：我有部保时捷，都唔好坐，都系加长版林肯最啱我。
我住喺二沙岛，啲空气又唔好，住响伦敦，我又怕大雾，都唔知点算好。
阿成：哇哈哈，咁夸张嘅，做戏噉做呀。
我：唉，咪就系啰，唉，唔好讲喇，饮呀！
阿成：唉，饮啊饮啊。唉，唔得喇，哎呀，想劏。
我：你冇嘢吖嘛？
阿成：想劏，你自己唱只歌。
我：乜咁鲊0架！
落雨大，水浸街，阿哥担柴上街卖。
阿嫂出街着花鞋，花鞋花袜花腰带。
落雨大，广州水浸街，各位兄台已长大。
要知揾银最艰难，双眼通红声沙晒。
（RAP：人比人，比死人，不需理会别人，做好我本分。
好有钱，好有面，梦想未必实现，世上有啲嘢，比钱银更值钱！）
揾多几多钱，不一定快乐，不需心酸酸，希望在明天。
不管前路多艰险，互勉盼到新一天。
*落雨大，水浸街，阿哥担柴上街卖。
阿嫂出街着花鞋，花鞋花袜花腰带。
落雨大，广州水浸街，各位兄台已长大。
要知揾银最艰难，双眼通红声沙晒。
repeat*
中山纪念堂
演唱：东山少爷
词：黄毅成曲：肥蛇
编曲：肥蛇合成：飞机
中山先生在你家乡，有你神武塑像。
人民全都牵挂着，你在他乡飞翔么？
观音山边建有一筑，铭记着你叮嘱。
红蓝颜色相映衬，怀着伟大革命志。
让正义与善意，充当我志。
岁月似飞梭，一花开两朵。
兄与他隔岸呆坐，问何日相守仿如初？
岁月匆匆过，花生生两果。
不理兄弟隔银河，总有年中秋他可回家过。
注：观音山－－越秀山的旧称
凉茶王
演唱：东山少爷
作曲：肥蛇作词：黄毅成编曲：肥蛇
吉他：阿lou合成：肥蛇
夏日闷热怕热毒，秋风起怕感冒，
春天跟冬天多需驱寒有道。
黄伯话，如果你觉，周身冇乜太大痛楚，
凉茶一饮落肚会很好过。
常言道，苦口一剂不需惊怕，三剂一煲好解你困惑，广东之宝奇效是那么。
还有些，甘香可口，但是他照样有效，罗汉果是奇才也。
苦瓜干用瘦肉炖，甘草生姜与北杏，
和玉竹桔梗茯苓南杏。
黄伯话，良方对症，医好几多发热上火。
凉茶一饮落肚会很好过。
常言道，苦口一剂不需惊怕，三剂一煲好解你困惑，广东之宝奇效是那么。
还有些，甘香可口，但是他照样有效，强壮体健全靠他。
西关小姐
演唱：东山少爷
作词/作曲/编曲：黄毅成
高胡：黄江琴合成：飞机
西关小姐个个娇俏，
你那美态犹如像弯弯月儿，
白襟衣伴长裙飘飘又回眸一笑，
知书识礼佢觉重要，
金山不会折其腰。
西关小姐莫怪我轻佻，
看你笑意犹如伴轻风送月影摇。
我住东山你住龙津动又门当户对，
奢想今世岁月里，
牵手相对儿女成堆。
看看我，何日能爱上我，
白鹅潭畔坐坐，
望能开花结果。
白天共长夜过，
永远像相恋最初。
我爱你然后如你爱我，
为梦圆我奋斗，
你是家中圣手，
让生活悠悠过，
永远像相恋最初的我。
亚洲的梦
演唱：东方少爷
作曲/作词/编曲：黄毅成
合唱：市少年宫合唱团
合成：飞机
红棉似火开，
珠江水上泛着友爱，
良朋远方到来，
为羊城共喝彩。
凝聚了气魄冲天，
亚洲的梦渐渐看见。
期待更高更强，
一起振翅高飞。
来将山顶的火点，
像加冕，为你奉献，
东方之美，盛大上演。
熊熊圣火照天空大地，
羊城到处为了世界预备。
就让世界上友善交织在一起，
越过千山万里，迎来这出好戏。
广州广州
讲者
繁华嘅城市有着不眠嘅24小时
五光十色灯酒绿之下
充斥住一个个躯壳嘅影子似是
我站在此处
一个个唔同肤色面孔不断向我注视
哩个地方嘅包容度可能早已习惯被人忽视
屹立嘅高楼大厦周围遍布
四通八达嘅马路同大道
喺哩个石屎森林我恍惚迷路
恍惚羔羊迷途
唔知道南下寻金嘅人目标有冇达到
偶尔听到GDP嘅增长又去到新嘅高度
为广州注入新嘅经济元素
几好几好
不过空气嘅污染指数同灰霾嘅大雾
阻挡住我出行嘅脚步
泥头车一部接一部咁带住尘土
对住不文明嘅现象冇人肯企出嚟SAY NO
OH NO我生长嘅地方广州母亲河叫珠江
每一日嘅天光
江水异味飘向四方
卫生文明城市仲点可以沾哩个光
小鸟声好似不再出现
广州绿化正在加紧扩建
代表广州嘅异声筒突然失踪冇讲再见
只希望我嘅心声你可以听见
广州广州广州
唔同嘅人喺度搵到梦想
广州广州广州
变化快到难以想象
广州广州广州
神奇嘅城市充满幻想
广州广州广州
哩度嘅景象会更加漂亮
广州广州广州
唔同嘅人喺度搵到梦想
广州广州广州
变化快到难以想象
广州广州广州
神奇嘅城市充满幻想
广州广州广州
哩度嘅景象会更加漂亮
繁荣嘅景象
投射喺摩登高楼玻璃嘅幕墙
所谓现代化嘅乐章
不断奏响改变哩个城市
包括古老嘅山羊赞扬
旧城新建新鲜
不断涌现从前盛行嘅语言
遇见唔到巨大嘅变迁身处灵魂巴士
漫游哩个城市想象古老嘅城池
品味充满哲理嘅名词
加上卧败嘅骑楼江边沧桑嘅码头
已经消失嘅城墙究竟边个系刽子手
思想嘅抽离将万能勾起
接近瘫痪嘅交通将血管塞死
所谓排外嘅骨气无可不比
现实嘅心理拜金嘅风气
太多嘅公理太多人投机
太多人麻木太多人自利
太多嘅歧视爱理不理
太多嘅冷眼话之你死
点解将同胞叫做捞佬
点解搭车鬼链咁嘈
点解忘记自己嘅语言
讲两句说话都要扮晒鬼佬
冇错我而家的确暴走
因为我为哩个城市有太多忧愁
外来嘅人口顽强地战斗
你哋都知道我系代表广州
广州广州广州
唔同嘅人喺度搵到梦想
广州广州广州
变化快到难以想象
广州广州广州
神奇嘅城市充满幻想
广州广州广州
哩度嘅景象会更加漂亮
广州广州广州
唔同嘅人喺度搵到梦想
广州广州广州
变化快到难以想象
广州广州广州
神奇嘅城市充满幻想
广州广州广州
哩度嘅景象会更加漂亮
